《讀者投稿》
bb 依家7個月，我地同6299住得好近，bb頭兩個月既時候6299話帶bb 番去食飯，咁緊係冇問題啦，但佢地不嬲成9點先開飯，咁就叫老公一早同佢地講聲早啲食飯，唔想bb 咁夜先番屋企（其實係屋企長輩同我講bb 咁細個唔好咁夜番屋企），好啦之後過到去食飯，9點都未開飯，都算未介夜奶，當你想見個孫耐啲，最後成11點先走。
到第二次又係一樣情況，其實已經好唔中意唔想再帶過去，到第三次，去到打邊爐其實一早已經開始食緊，咁當時bb 已經介左夜奶，每日好準備2130食最後餐奶之後就訓教，之後到夜晚2100, 62就開始出聲同我老公講，啲野未食哂呀食埋先好走呀，遲一次半次番去唔洗死呀嘛？
我當時真係好嬲好炆，其實如果你地想見個孫耐啲一係就開聲問下可唔可以遲一次半次，但你地冇，你地係第一二次已經冇尊重我，叫你地早啲食你地唔聽，11點先比人走，已經就左你兩次，最後個次仲要比說話我聽，我覺得自己好西利，聽完冇表情繼續食野，冇黑面冇出聲，老公亦都冇幫我出聲。其實如果你真係想我地遲啲走你用好啲態度問下其實一兩次真係冇所謂。
＃我的極品四大長老
Search